Zëvendësdrejtori amerikan për Çështjet e Europës Perëndimore Qendrore, Lyn Debevoise, vizitoi sot Strukturën e Posaçme Antikorrupsion dhe Krimit të Organizuar (SPAK) në Tiranë.
Gjatë takimit, ai shprehu vlerësimin e Shteteve të Bashkuara për bashkëpunimin e Kryeprokurorit të Posaçëm Altin Dumani me agjencitë amerikane të zbatimit të ligjit në luftën kundër rrjeteve të paligjshme që kërcënojnë sigurinë e të dyja vendeve.
Debevoise theksoi se përpjekjet e Dumanit kanë vendosur një standard të lartë për bashkëpunimin ndërmjet dy shteteve në luftën kundër korrupsionit dhe krimit të organizuar ndërkombëtar.
Shtetet e Bashkuara shprehen se shpresojnë se ky nivel bashkëpunimi do të vazhdojë me pasardhësin e z. Dumani.