Arti shqiptar i lahutës është regjistruar zyrtarisht në Listën e Trashëgimisë Kulturore Jomateriale të UNESCO-s për Mbrojtje Urgjente, duke shënuar një arritje historike për vendin.
Tradita e të luajturit, kënduarit dhe prodhimit të këtij instrumenti me një tel, e trashëguar brez pas brezi në krahinat veriore, njihet tani ndërkombëtarisht si praktikë kulturore me vlera të jashtëzakonshme.
Procesi është drejtuar nga Ministria e Kulturës, me mbështetje financiare dhe teknike nga Fondacioni Shqiptaro-Amerikan për Zhvillim.
Ky është elementi i katërt i trashëgimisë shqiptare që merr njohje nga UNESCO me ndihmën e AADF, pas xhubletës, transhumancës dhe vallës së Tropojës.