Presidenti Bajram Begaj ka uruar 77-vjetorin e themelimit të NATO-s, duke theksuar rolin jetësor të Aleancës si garantuese e lirisë dhe sigurisë kolektive. Shqipëria, anëtare prej 17 vitesh, vazhdon të japë kontribut aktiv në misionet dhe operacionet e NATO-s, duke rritur ndjeshëm buxhetin e mbrojtjes si shenjë e angazhimit të saj të palëkundur. Presidenti Begaj nënvizoi se Aleanca mbetet simbol i unitetit demokratik dhe i solidaritetit ndërkombëtar, ndërsa Shqipëria qëndron krenare si anëtare e denjë e kësaj familje euroatlantike.
Prej 77 vitesh NATO është një nga arritjet më të rëndësishme të bashkëpunimit ndërkombëtar, një Aleancë e ndërtuar mbi besimin dhe solidaritetin për garantimin e lirisë, sigurisë dhe mbrojtjen e përbashkët.
NATO vazhdon të jetë simbol i unitetit dhe përgjegjësisë kolektive, duke mbrojtur vlerat demokratike dhe forcuar sigurinë Euroatlantike.
Prej 17 vitesh Shqipëria qëndron krenarisht si një anëtare e denjë në këtë familje, duke kontribuar për paqen, sigurinë dhe mbrojtjen kolektive. Rritja e buxhetit të mbrojtjes, si dhe kontributi aktiv në misione e operacione të NATO-s janë dëshmi e përkushtimit tonë të palëkundur ndaj vlerave të përbashkëta.
#WeAreNATO #StrongerTogether