E Ngarkuara me Punë e Shteteve të Bashkuara, Nancy VanHorn, zhvilloi sot një takim me Fiona Papajorgji, e cila u emërua së fundmi në krye të Gjykatës Kushtetuese të Shqipërisë.
VanHorn theksoi rëndësinë e mbështetjes amerikane për institucionet e zbatimit të ligjit në vend, duke e lidhur atë me prioritetet kryesore të Presidentit Trump: luftën kundër rrjeteve të narkotrafikut dhe krijimin e kushteve të favorshme për bizneset amerikane.
Gjykata Kushtetuese u vlerësua si institucion kyç për garantimin e drejtësisë, përgjegjshmërisë ligjore dhe një mjedisi të parashikueshëm juridik që lejon zhvillimin e biznesit amerikan në Shqipëri.
Takimi nënvizon angazhimin e vazhdueshëm të Washingtonit ndaj forcimit të shtetit të së drejtës në Shqipëri.